ياناس وين الانصاف..قولوا لي

بصراحه انا لجأت لمنتداكم لعل حد يفيدني وينصحني ويقولي ايش اسوي....طبعا اعرفكم بنفسي انا فتاه عمري 26سنه خريجة بكالوريوس علوم حاسب وحصلت على دبلوم انجليزي وسويت دراسات بالفوتوشوب والحين الحمدلله انا اشتغل بمكانيين مرموقين وكل شغله لها اسمها ومكانتها بالبلد هذا بفضل ربي وبعد صبر الحمدلله،أنا أعمل صارلي 9 سنين واشتغل في أكثر من مجال والحمدلله عندي خبرات...طبعا الحمدلله أنا ما انكر فضل ربي علي نجحت في حياتي العمليه والعلميه وطبعا هذا كل كان بفضل من ربي وجهد كبير مني وخاصه ان كل شي انا تحملته بنفسي كمصروف وكل شي...يعني من الاخير انا انسانه معتمده على نفسي من يوم ماكان عمري 17سنه طبعا هذا حكم القدر والحمدلله على كل حال،أكيد بتسألون وين اهلي طبعا انا امي توفت من يوم ماكان عمري 3سنسن وابوي توفى من سنه بس هو فارقنا من يوم ماكان عمري 17 سنه السنه الي اشتغلت فيها ..بس السبب كأن مو بأيده حصلت ظرو ف غصبن عن الكل المهم ربي يرحم والدي ان شالله الله،الحين الي ابيكم تعرفونه وهذا الشي الكل يعرفه في مثل يقول من طلع من بيته قل مقداره وتخيلوا شخص من غير ام واب طبعا يضيع ويلطخون فيه الناس وانا هذا الي صار فيني طبعا تبهدلت كثير من يوم ما ابوي فقدته وطبعا عشت ببيت حد من هلي وصارت مشاكل كثيره المهم انا بطبعي عادي اقدر اتأقلم بس في اشيا تصير محد يقدر يستحملها،مع كل الي شفته بس انا استحملت وطبعا كان عندي اخوان كبار بس مايسؤلون عني نهائيا..طبعا الحين ومع مرهالسنين تدرون الضربه الي ماتموت تقوي وهذا الي صار معاي ان شخصيتي صارت قويه ويمكن الجفا الي شفته بعد قسى قلبي على اخواني الكبار وعلى هلي الي ما احتوني انا مالومهم اذا اخواني من امي ابوي ما سوها؟؟؟على العموم انا ماعمري قلت لا لازم اخوي يصرف علي ومش المفروض اتحمل المسؤولية المهم حاب اضيف ان عندي 2 اخوان اصغر مني مع ظروف الحياه وعدم الاهتمام كانوا بسن المراهقه طبعا اغلطوا ودخلوا السجن بعد اخواني الكبار لاكانوا يسألون عنهم ولا شي يمكن عشان ماابالغ يمكن بال5 سنين الي قضواها في السجن زاروهم خمس مرات هذا يمكن حتى مصروف ماكانوا يعطونهم...كنت ازورهم واهتم فيهم واصرف عليهم واحنا الفارق بيني وين اخواني الصغار سنتين وسنه بس الغريب ...شوفوا ياناس واحكموا انا ببيت اهلي الي كنت عايشه عندهم واحد من عيالهم حاول يتحرش فيني بس الله حفظني وما قدرت اقول هالكلام لأخوي الكبير بس كنت اقوله ابي اطلع واعيش معاك رغم ان التفاهم بينا ضايع وهو جدا اناني وبخيل بس بعد ماقرر يكنسل اقامتي اضطريت اني اقوله لاني ماادري اش قاله هذاك الي من هلي الي كنت عايشه معاهم..وبعد هو ماكان يرضى لان كل الي كان يفكر فيه انه يستقر في احد الدول الاوروبية لحد ماطلعت له الهجره وطلب مني انقل كفالتي بس انا قلت ماابي انقلها على شركه لان موحلوه في حق بنت ايش يقوولون فقام قالي اوكي خلاص تمي على كفالتي وانا اذا سافرت بعطيج توكيل وتم الاتفاق لحد ماانا كثرت المشاكل واستخرت والله يسرلي وقررت اني اطلع ببيت لحالي مع زميله لي وطبعا اخوي الكبير ماعنده مانع اهم شي انه مايتحمل مسؤوليتي بس فجأه قالي يبي يكنسل اقامتي لان واحد من اهلي بس قاله..تدرون شلي يقهر اني عمري ماوطيت راسهم واهم نفسهم يفتخرون للي وصلتله ودوم يقولون وحده غيرج كان ضاعت مع العلم اني اشتغل واسوق..

اتمنى تفيدوني وتعطوني الحل مع الاخذ بعين الاعتبار اني عربيه وعايشه بدوله من دول الخليج وولدت فيها وفكرت بحل الزواج عشان انقل الكفاله او الشغل بس بعد خايفه لان مرات في الشغل عيال حرام ويستغلون هذي ا لنقطه وانا مااحب اكون تحت رحمة حد بس انا ماابي اتزوج وانا كاره يعني ماابي الظروف تجبرني بس اذا كان الحل من هل الحلين مضطره بكون (هل يحق لاخوي يكنسل اقامتي وهل اقدر اني انقلها على اي جهه )وهذه قصتي باختصار

اسفه ع الاطالة

وشكرا

انتظر الرد