اجمل صور تشوفها لاول مرة في حياتك

دي يا جماعة مجموعة من احلي الصور التى قمت بتصويرها


دا منظر لاقدم كوبري في اوربا...الكوبري دا خشبي بيربط بين المانيا وسويسرا


دي وردتين من البلكونة عندي. المحزن في النوع دا من الزهور انه بيعيش يوم واحد بس وبعد كده بيموت.


الباشمهندس دا عذبني علشان اعرف اصوره...نمت له على الطريق علشان اخد له اللقطة دي....قال ايه ومش عجباه


دا منظر لبتاع مش عارف اسمه ايه على نهر الراين في جنوووووووووووووووووووووووب المانيا


دي صورة لزلط نقدر نصورها في اي مكان في العالم...صورت الصورة دي في بحيرة اسمها لاجوماتشوري في جنوب سويسرا على الحدود مع ايطاليا


فاكرين اقدم كوبري في اوربا؟؟؟ اول صورة...دا منظر للكوبري من جوا. شكله بصراحة ممتع جدا جدا جدا.


دا بأه اكتر مكان لما باروحه باحس براحة نفسية. المكان دا في جنوب المانيا في منطقة اسمها بالعربي الغابات السودا.


دي برضه صخور ممكن نصورها في اي مكان في العالم. الصورة دي اخدتها في دبي


دي الغابة السودا برضه في جنوب المانيا


عشقي الاول والاخير. بالرغم من ان انا مش اسكندراني الا ان اجمل ايام حياتي كانت في الاسكندرية. دا من امام فندق رمادا بالاسكندرية عند جامع سيدي بشر بالظبط

سبحان الله في قلب الصخر موجود الشجر دا....وشوفي هنا يا شعاع هاتلاقي ان لون الاخضر فاتح مش غامق زي بعض صور الغابات السودا




مش عارف صورت المنظر دا ليه بس وقتها كنت بجد مكتئب ولما بصيت حواليا لقيت الدنيا كمان مكتئبة قلت اخد لها منظر







الصورة دي كانت لا على البال ولا على الخاطر..كنت ماشي بالعجلة ومرة واحد بصيت فوق ولقيت المنظر دا. قلت لازم اصوره.. اجمل حاجة فيه هو الضوء والسحاب والشمس







الصورة دي مافيهاش اي ميزة خالص ولا حلوة ولا جميلة ولا اي حاجة...الميزة الوحيدة اللى فيها انه في اخر الصورة هنااااااااااااااااك فيه مجموعة جبال..دي جبال الالب بيني وبينها حوالى 500 كيلو متر ومع ذلك شايفها... عرفتوا الميزة بأه؟؟؟ نقاء الجو اللامتناهي لدرجة انى اشوف حاجة على بعد 500 متير...يعني زي ما يكون واحد في اسيوط واقف فوق السطح بيتفرج على اهرامات الجيزة

تقبل تحياتي


منظر تاني لاقدم كوبري في اوربا في المدينة اللى انا عايش فيها...الصورة دي لاقطها من الجنب التاني من المدينة في سويسرا














اكيد صورة على البحر يعني




الصورة دي كده انا ما عملتش اي تعديل عليها بعد ما صورتها...البحر كان لونه كده فعلا.
الصورة دي من جزيرة كانت في يوم من الايام تدين بالاسلام
وكانت...
كانت....
في يوم من الايام جزيرة عربية