السلام عليكم
ورحمة الله و بركته
و انا بتابع اولادي و شايف افكارهم
و تعليقاتهم علي اساتذتهم
عادت بي الايام لفترة الصبا
وساعتها جت على بالي فكرة الموضوع ده ..
ان انا اكتب مجموعة اسئلة واشوف اجابتكم عليها منها انا هستفيد .. ومنها هنحكي ذكرياتنا .. وخصوصا ان ماشاء الله منتدانا فيه كل الاعمار .. واكيد هنشوف ذكريات جميلة .. عبر مراحل زمنية مختلفة مر بيها مجتمعنا.. وانا واثقة ان انا بصفة شخصية هستفيد اكيد من اجابتكم عن الاسئلة دي ..
نبدأ الاسئلة ..
1-مين هو المدرس اللى كل ما تفتكره تقول عليه انه كان فعلا مربي.. وان انت فعلا اتعلمت منه؟؟
2-ومين اكتر مدرس كنت بتكرهه..وهل كنت بتكره مادته .. وايه سر كرهك ليه؟؟
3-موقف حصل لك وانت فى المدرسة ومش قادر تنساه؟؟
4-ايه اكتر حصة كنت بتحبها؟؟
5- ايه اكتر مرحلة دراسية حبيتها..(الابتدائية -الاعدادية - الثانوية )؟؟
6-المدير او المديرة..ذكرياتك ايه معاهم؟؟
7- بصراحة كده كنت شقي ولا كنت هادي ومسالم ..
8-فاكر اول يوم مدرسة .. احكي لنا عليه
9- ده مش سؤال ده مساحة متروكة ليك تكتب لنا فيها اللى تحب تكتبه عنك وانت تلميذ ..
10- وأخر حاجة .. ممكن نصيحة من حضرتكم
لاولادنا
فكرة الموضوع ممكن تكون مش جديدة .. انا من يوم ما دخلت المنتدى مش شوفتها .. ممكن تكون كانت موجودة قبل دخولي فبعتذر عن التكرار لو كانت مكررة بالنسبة لأى عضو
طبعا منتظر اجابتكم .. بتوعنا وهم تلاميذ صغيرين كانوا عاملين كيف؟؟
في انتظاركم .. تحيـــاتي للجميع